Us Ne Jab Jab Bhi Mujhe

Us ne jab jab bhi mujhe dil se pukara Mohsin.
Main ne tab tab ye bataya ke tumhara Mohsin.

Loug sadiyon ki khataon pe bhi khush baste hain;
Hum ko lamhon ki wafaon ne ujaRa Mohsin.

Jab aa gaya ho ye yaqin ab woh nahien aaye ga;
Gham aur aanso ne dia sahara Mohsin.

Woh tha jab pas to jeney ko bhi dil karta tha;
Ab to pal bhar bhi nahi hota guzara Mohsin.

Us ko pana to muqadar ki lakeron mein nahi;
Us ka khona bhi karien kesey gavara Mohsin.

(Poet: Mohsin Naqvi)