Tu is qadar mujhe apne qareeb lagta hai.
Tujhe alag se jo sochoon ajeeb lagta hai.
Jise na Husn se matlab na ishq se sarokar;
Vo shakhs mujh ko bahut bad-naseeb lagta hai.
Hudood-e-zat se bahar nikal ke dekh zara;
Na koi Ghair, na koi raqeeb lagta hai.
Ye dosti, ye marasim, ye chahatein, ye Khuloos;
Kabhi kabhi ye sab kuchh ajeeb lagta hai.
Ufaq pe dour chamakta huva koi tara;
Mujhe charaGh-e-dayar-e-Habeeb lagta hai.
Na jaane kab koi tufaan aaye ga yaro;
Buland mauj se sahil qareeb lagta hai.
(Poet: Jan Nisar Akhtar)